Arrestohet Joaquin Phoenix - Bota Sot
Arrestohet Joaquin Phoenix

Mediale Vip

Arrestohet Joaquin Phoenix

Më: 11 janar 2020 Në ora: 14:21
Joaquin Phoenix

Joaquin Phoenix dhe Martin Sheen u arrestuan në protestat javore që u mbajtën për ndryshimin e klimës.

Fituesi i “Golden Globe”, Joaquin Phoenix dhe Martin Sheen ishin të famshmit e fundit që u arrestuan si pjesë e protestave javore për ndryshimin e klimës, shkruan CNN.

Të premten u konfirmua për CNN se dy aktorët u arrestuan në protestat javore.

Policia verifikoi 147 persona të arrestuar në protestën e së premtes, por nuk u sigurua një listë e emrave të tyre.

Të gjithë ata ishin akuzuar për grumbullim, pengim ose prishje të rendit, tha një zëdhënës i departamentit për CNN.

Sipas llogarisë “Fire Drill” në twitter, Phoenix në fjalimin para protestuesve bëri thirrje për industritë e mishit dhe qumështit për rolin e tyre në krizën e klimës.

“Lëreni vendin tonë të zgjohet,” tha Sheen, në një fjalim emocional duke bërë thirrje për veprim rreth ndryshimeve të klimës.

Kjo është java e 14-të që kur po mbahen protesta të krizës klimatike, ku morën pjesë nga Ted Danson deeri tek Iain Armitage.

Protesta e kësaj jave u përqëndrua në bankat e mëdha dhe investitorët që financojnë zgjerimin e industrisë së karburanteve fosile. Kjo është protesta e fundit për momentin, pasi Fonda do të kthehet në Los Angeles. 

Shfaq komentet
comments powered by Disqus
Sot mund të lexoni Shfletoni kopertinat