Frizeri nga Prishtina, Fitim Rrustemi (Fita) për 13 vjet radhazi, deri në ditët e fundit të jetës së këngëtares Nexhmije Pagarusha, ishte ai i cili me zemër të madhe ia rregullonte flokët bilbilit të Kosovës.
Ai e kujton me fjalët më të bukura Nexhmije Pagarushën: zonjë e pashembullt, e pastërt, e dashur, e sinqertë dhe gjithnjë e buzëqeshur.
Fita thotë se ndjente kënaqësi që në këtë formë mund ta ndihmonte këngëtaren Nexhmije Pagarusha.
Ajo edhe pse në moshë, nuk ndalej së menduari për bukurinë e saj.
Fitimi, muajin e fundit, në pamundësi që Nexhmije Pagarusha të vinte në lokalin e tij, pa përtesë shkonte në banesën e saj për t’ia rregulluar flokët.
Kënaqësi që ka ende njerëz humanistë!
