Këngëtarja e njohur Dafina Zeqiri është në përgatitje të një projekti të ri muzikor.
Ajo ka nisur këto ditë xhirimet e klipit, teksa këtë e bëri të ditur përmes një videoje të publikuar në rrjetin social Instagram.
E veshur me një fustan të kaltër, pak të zbuluar te pjesa e dekoltesë, Dafina i joshi fansat e saj përmes disa lëvizjeve provokuese të bëra përgjatë videos.
“Qëndroni në linjë”, shkroi ajo në mbishkrimin e videos, duke bërë kështu të ditur se projekti i saj i radhës është udhës.
Këtë muaj, ajo përndryshe publikoi edhe këngën “Merri krejt”, e cila u prit mirë nga fansat e saj.
Dafina është shumë aktive në aspektin e prurjeve të reja në muzikë dhe tash e sa vite vazhdon të jetë ndër këngëtaret më në trend në estradë.
