Rudina Dembacaj po e shijon historinë e dashurisë me ish-deputetin Mark Frroku dhe nuk heziton që ta pranojë.
Ajo ka gjetur lumturinë në krahët e Frrokut, prandaj janë kthyer në çiftet më të komentuar të faqeve rozë.
Mbrëmjen e kaluar, moderatorja ka publikuar një tjetër imazh me partnerin e ri në jetë dhe biznes.
Këtë herë, e ka shoqëruar me një dedikim për të ku i thotë: "Nuk është kafeina ajo që më mban zgjuar gjithë natën. Je ti".
Në fotografi, të dy duken të buzëqeshur duke shijuar kohën së bashku. Nuk është hera e parë që ata bëjnë poza romantike e dedikime dashurie, por duket se këto po bëhen më të shpeshta me kalimin e ditëve.
