Arnold Schwarzenegger dhuron 1 milion dollar për luftën kundër koronavirusit

Mediale Vip

Arnold Schwarzenegger dhuron 1 milion dollar për luftën kundër koronavirusit

Më: 25 mars 2020 Në ora: 15:12
Arnold Schwarzenegger

Arnold Schwarzenegger ka dhuruar donacionin e madh për ta luftuar pandeminë.

Arnold Schwarzenegger është një nga fytyrat publike që gjatë kësaj kohe ka dhënë këshilla të shumta si të mbrohemi nga koronavirusi.

Aktori ka bërë thirrje vazhdimisht që të qëndroni në shtëpi, në mënyrë që të mos rrezikohet askush nga pandemia.

Arnold me anë të një postimi, ka bërë të ditur se ka dhuruar donacion në vlerë 1 milion dollarë, për ta ndihmuar luftën kundër koronavirusit.

“Asnjëherë nuk kam besuar të ulem në shtrat dhe të ankohem se sa gjëra të këqija janë, gjithmonë besoja se të gjithë duhet të bënim pjesën tonë për t’i bërë gjërat më mirë. Kjo është një mënyrë e thjeshtë për të mbrojtur heronjtë tanë të veprimit të vërtetë në vijën e parë në spitalet tona, dhe jam krenar që bëhem pjesë e saj. Unë dhurova 1 milion dollarë dhe shpresoj që të gjithë ju që mund të dilni përpara për të mbështetur këta heronj”, ka shkruar ai.

Schwarzenegger ka publikuar edhe vegzën ku të tjerët mund të japin kontributin e tyre.

Sot mund të lexoni Shfletoni kopertinat