Ermal Mamaqi pak ditë më parë publikoi një video ndërsa priste flokët.
Aktori i humorit u qeth tullac duke iu përgjigjur fansave që e kritikuan se nxorri dy filmat e tij online me pagesë.
“Kam lexuar komente që thonë ti Ermal nuk e rruan fare për këto komentet dhe mesazhet. E keni gabim, jo vetëm që e rruaj por shih,”- tha ai dhe më pas preu flokët.
Megjithatë në një lidhje në Skype në emisionin “Rudina”, Ermali tregoi pse e mori këtë vendim duke thënë se ishte një improvizim i momentit dhe përfitoi nga rasti për të prerë flokët pasi iu ishin rritur shumë.
“Ishte e momentit, një nga improvizimet e çastit, e shfrytëzova për të qenë edhe më rehat kështu sepse të them të drejtën kur rriten flokët, kur nuk ke kontroll, nuk ke berber ose parukier,”- u shpreh ai.
Ndërsa tregoi edhe si po kalon i izoluar brenda në shtëpi. Ermali tha se është ambientuar shumë dhe do jetë një pjesë e jetës që do ta mbajë mend gjatë.
“Jemi shumë mirë. Jemi ambientuar. Aq shumë jemi ambientuar sa nuk e dime sesi do të ndryshojmë, sesi do shkojnë punët kur të lirohemi. Është një pjesë e jetës që do ta mbaj mend gjatë,”- shtoi aktori.
