Këngëtarja Enca Haxhia gjithmonë ka sjellë diçka të re sa i përket sferës së muzikës. Ajo është aktive në rrjetet sociale, në prodhimin e teksteve muzikore e së fundmi ka dëshmuar se ka talent edhe në aktrim.
Në këtë kohë pandemie, derisa të gjithë po qëndrojnë të izoluar, një gjë të tillë është duke e bërë edhe 24-vjeçarja.
Gjatë qëndrimit në shtëpi, Enca ka përgatitur disa këngë të ndryshme dhe ka filluar të punojë në albumin e saj të dytë. Lajmin e ka bërë të ditur në një intervistë për “Prive”, ku tregoi për planet e mëtutjeshme të muzikës.
Mund të them që kam nisur përgatitjet për albumin e dytë të ri, të papublikuar akoma”, kishte thënë Enca.
Këngëtarja thekson se është duke punuar edhe në klipin e këngës “Ku mete”, por që puna është ngadalësuar për shkak të pandemisë coronavirus.
