Këto thashetheme për Kate Middleton bënë që Pallati Mbretëror të reagojë si kurrë më parë - Bota Sot
Këto thashetheme për Kate Middleton bënë që Pallati Mbretëror të reagojë si kurrë më parë

Mediale Vip

Këto thashetheme për Kate Middleton bënë që Pallati Mbretëror të reagojë si kurrë më parë

Më: 28 maj 2020 Në ora: 22:25
Kate Middleton

Pak ditë më parë, në një artikull të revistës Tatler, thuhej se Kate Middleton po ndihej e rraskapitur dhe e zemëruar, pasi Meghan dhe Harry hoqën dorë nga detyrat mbretërore.

Sipas kësaj reviste, një mikeshë e dukeshës është shprehur se William dhe Kate kishin planifikuar të kalonin më shumë kohë me fëmijët, por Harry dhe Meghan ua vështirësuan punën, duke qenë se me largimin e tyre, përgjegjësitë për çiftin e Kembrixhit janë shtuar.

Pas këtyre lajmeve, si rrallëherë, Pallati Mbretëror reagoi me anë të një deklarate, ku i quajti këto lajme të pavërteta.

“Ky artikull përmban një sërë pasaktësish dhe keqpërfaqësimesh false”, -thuhet në deklaratën e Pallatit Mbretëror.

Kjo ishte diçka e çuditshme dhe e papritur nga ana e Pallatit Mbretëror, duke qenë se nuk reagon pothuajse kurrë ndaj thashethemeve rreth anëtarëve të familjes mbretërore, që duhet thënë se janë me shumicë. Madje, njerëzit online po e quajnë këtë deklaratë të njëanshme, duke qenë se Pallati nuk ka reaguar asnjëherë kur Meghan është sulmuar nga mediat.

Sot mund të lexoni Shfletoni kopertinat