Bebe Rexha ndihet e pikëlluar që nuk i ka parë prindërit tash e një kohë.
Bebe Rexha tash e një kohë po qëndron e vetizoluar në vilën e saj në Los Angeles të Kalifornisë.
Kjo gjë bëri që ajo të qëndrojë larg prindërve tash e sa muaj, pasi kishin edhe koronavirusin, andaj është përmalluar shumë për ta.
Përmes një tweet-i, Bebe tha se pret me padurim të kthehet në Nju Jork ngase po i mungon shumë nëna.
“Dua të shkoj në shtëpi. Më mungon New Yorku. Nuk kam qenë prej gjashtë muajsh. Më mungon nëna ime”, shkroi këngëtarja.
Kujtojmë se Bebe Rexha kohën e fundit ka punuar në studio për albumin e ri, të cilin tha se do ta publikojë kur të mendojë se koha është e duhur.