Klea Huta së fundmi është bërë nënë për herë të parë. Moderatorja dhe këngëtari i njohur, Elgit Doda, mirëpritën në jetë djalin e tyre, të cilin e pagëzuan me emrin e veçantë Krid, në qershor.
I vogli sot mbush 3 muaj jetë dhe mami Klea nuk mund të mos e ndante gëzimin me ndjekësit e saj.
Nëpërmjet një postimi në Instastory, ku duken vetëm këmbët e Kridit, shkroi disa fjalë zemre për vogëlushin që i dha titullin nënë.
“O mreti mamës ti, u bënë 3 muaj që ma ke shkrirë zemrën o era ime e mirë. Më ke ndryshuar si njeri. Po shkalloj për ty, edhe 100 dashuri! Ta puth mami këmbën e vogël sa të postoj këtë foto! Të dua Krid!”- kanë qenë fjalët që i ka dedikuar Klea të birit.
Krid erdhi në jetë në muajin qershor të këtij viti dhe Klea Huta është kujdesur që portreti i tij të mos publikohet ende, pavarësisht se fotot me të nuk mungojnë në rrjetet sociale të prindërve.