Harry i propozoi Meghan-it në vitin 2017 dhe mbi një vit më vonë dukesha u pa me një unazë të re. Rrethi prej floriri të verdhë u ndryshua dhe u mbush me diamante. Harry e ripunoi unazën fillestare dhe i dha Meghan-it një unazë "të përjetshme" të porositur si dhuratë për përvjetorin e tyre të parë të martesës.
"Më 19 maj 2019, Harry surprizoi bashkëshorten duke i dhuruar një unazë që ai kishte krijuar me argjendaren Lorraine Schwartz, ndër të preferuarat e Meghan-it. Rrethi i përjetësisë me diamantë është një homazh i familjes Sussex, me gurët e lindjes të Meghan-it, Archie-t dhe Harry-t (përkatësisht peridot, smerald dhe safir) në pjesën e poshtme të unazës", -shkruajnë autorët Omid Scobie dhe Carolyn Durand në “Finding Freedom”.
Argjendarja shpjegoi se Harry donte ta bënte unazën e përjetësisë "të veçantë" dhe se ai ishte "kaq romantik" dhe "kaq i zhytur në mendime".
Unaza e fejesës së Meghan-it ka tre diamantë: Një diamant i madh në mes dhe dy gurë të çmuar më të vegjël në dy anët.
Pasi çifti shpalli fejesën në 2017-ën, Harry tha për BBC:
"Unaza është padyshim ari i verdhë sepse është i preferuari i Meghan-it, ndërsa gurin kryesor e kam marrë nga Botsvana. Diamantët e vegjël në të dy anët janë nga koleksioni i stolive të nënës sime, për t'u siguruar se ajo është me ne në këtë udhëtim të çmendur së bashku.”
Më gjeni një unazë më domethënëse se kaq!
