Një modele ruse ka vdekur në një aksident të frikshëm teksa realizonte një fotosesion në oqean.
Galina Fedorova, ish-modele e Playboy, ishte në një udhëtim me varkë për të punuar për një projekt, kur së bashku me fotografin ndaluan për të notuar në brigjet e Sardenjës.
Fotografi Yev Taranovs tha se ai humbi nga sytë 32-vjeçaren dhe më pas filloi të bërtiste për ndihmë pasi pa një anije tjetër.
Më pas nisën kërkimet për gjetjen e modeles dhe trupi i saj u zbulua i zhveshur nga rojet bregdetare në ujë.
“Rryma mori anijen drejt shkëmbinjve. Ata u përpoqën që të notonin drejt saj, por nuk e arritën dot,”– thanë autoritetet lokale për mediat.
Ndërsa në bordin e varkës gjithashtu u gjetën shishe me alkool.
Fedorova u mbyt afër një prej bazave më të mëdha ushtarake të Italisë, vijën bregdetare të Teuladas.
Baza përdoret nga NATO që nga viti 1956.