Dj Sardi është më i dashuruar se kurrë dhe këtë e tregon me anë të postimeve në rrjete sociale.
Këtë verë, ai u vu në qendër të vëmendjes, pasi zyrtarizoi lidhjen duke na prezantuar kështu me vajzën që e ka bërë për vete.
Ditën e djeshme, në një intervistë me Bieta Sulon, Sardi zbuloi se partneren e ka prezantuar me familjen e tij dhe se llokumet janë ngrënë. Por, ai ka menduar edhe për dasmën!
Në lidhje me këtë çështje, ai tregoi se dëshiron një dasmë shumë private, e cila do të shoqërohet nga melodia e mrekullueshme e violinës. Pra, nuk do të ketë Dj në dasmën e tij.
I pyetur se çfarë e tërhoqi më shumë tek partnerja, Sardi foli për sytë e bukur jeshil dhe për faktin se është shumë e shoqërueshme. Sipas tij, ajo e kupton shumë mirë dhe është gjithmonë aty për të.
Megjithatë, përveç të mirave, Dj ka edhe disa “ankesa”.
Ai tregoi se indiferentizmi dhe fakti që është pak “harraqe”, nuk i pëlqejnë tek partnerja, por rëndësi ka që dashuria mbizotëron mbi të gjitha.
