Moderatorja e njohur, Klea Huta, u bë nënë për herë të parë në muajin qershor të këtij viti.
Ajo solli në jetë një djalë dhe bashkë me partnerin, Elgit Dodën, e pagëzuan me emrin e veçantë Krid.
Herë pas here, bukuroshja ndan me ndjekësit eksperiencat me të voglin dhe mesa duket, është ndër ato nënat e fiksuara.
Këtë e ka treguar me anë të një postimi në Instastory, ku ka sqaruar një herë e mirë se cila është përgjigja që i jep të gjithë personave që duan ta përkëdhelin Kridin.
“Kur është koha e duhur për ta prekur bebin e një të huaji? Thjesht mos e prek fëmijën e dikujt pa pyetur më parë!”,- ka qenë mesazhi që Klea ka dhënë.
Si një nënë e re, moderatorja nuk ka aspak dëshirë që bebi i saj të ketë kontakt me persona të tjerë. Më parë duhet pyetur nëna nëse mund ta prekni apo jo fëmijën e saj.
