Modelja 25-vjeçare, Gigi Hadid, para pak ditësh u bë nënë për herë të parë, duke e sjellë në jetë një vajzë me të dashurin e saj, Zayn Malik.
Megjithëse nuk ishin bërë publike shumë detaje rreth lindjes së foshnjës apo emrit të saj, disa burime të afërta të çiftit të njohur të showbizit kanë bërë të ditur se, Gigi nuk i ka ndjekur metodat konvencionale të lindjes dhe e ka shmangur shkuarjen në spital për ta sjellë në jetë fëmijën e saj të parë.
Sipas raportimeve nga “Page Six”, bukuroshja Hadid e ka lindur vajzën në fermën e saj në periferi të Pennsylvanias. Duke i cituar burimet e afërta të modeles, po ashtu u bë e ditur se Gigi dhe Zayn janë bërë prindër më 19 shtator.
Ndërkaq, çifti i famshëm i cili është në lidhje dashurie nga viti 2015, e kishte bërë publik lajmin e lindjes së fëmijës së tyre të parë tek më 23 shtator, me postimin e dy fotografive bardh e zi në rrjetet sociale, ku shihet dora e vogël e vajzës së tyre.
