Ndërron jetë aktorja e njohur amerikane

Mediale Vip

Ndërron jetë aktorja e njohur amerikane

Më: 14 tetor 2020 Në ora: 08:04
Ilustrim

Aktorja e “Two and a Half Men”, Conchata Ferrell, ka vdekur në moshën 77 vjeçare.

Conchata Ferrell, një aktore shumë e dashur për një numër të madh rolesh përfshirë edhe rolin në serinë  televizive “Two and a Half Men” dhe filmat “Edward Scissorhands” dhe “Erin Brockovich”, ka vdekur, konfirmon menaxheri i saj Dan Spilo, shkruan CNN.

Spilo, i cili e mbante mend Ferrell si një “grua të mrekullueshme, zemërmirë dhe të fortë”, tha për CNN se ajo ndërroi jetë rreth orës 12:30 pasdite. më 12 tetor.

“Ajo do të na mungojë,” tha ai.

Në një karrierë që zgjati pesë dekada në të gjithë TV dhe filmat, Ferrelli fitoi tre nominime për “Emmy”.

E para ishte për punën e saj në “L.A. Law” më 1992 dhe fitoi dy të tjerë për rolin e saj në “Two and a Half Men”, në të cilin ajo luajti Bertan.

Ferrell, e cila ishte 77 vjeçe, ishte gjithashtu një interpretuese e suksesshme e teatrit, duke fituar një çmim Drama Desk më 1974 për punën e saj në “The Sea Horse.”

Kreditet e saj filmike përfshinin gjithashtu role në “Mystic Pizza”, “Mr. Deeds” dhe “Krampus”.

Pas lajmit për vdekjen e saj, ish-bashkëpunëtorët e “Two and a Half Men” ishin midis atyre që shkruan ngushëllime për aktoren.

Ferrel la pas burrin e saj, Arnie dhe vajzën, Samntha.

Image
Sot mund të lexoni Shfletoni kopertinat