Ndërron jetë aktori, Shkëlzen Rraci

Mediale Vip

Ndërron jetë aktori, Shkëlzen Rraci

Më: 26 tetor 2020 Në ora: 13:51
Shkëlzen Rraci

Aktori i njohur kosovar, Shkëlzen Rraci, raportohet se ditën e sotme (e hënë) ka ndërruar jetë nga kanceri në moshën 44 vjeçare.

Lajmi u bë i ditur nga miku i tij i ngushtë njëherësh aktori, Xhelal Haliti.

Ky i fundit ndau një shkrim në rrjetin social, Facebook, duke kujtuar momentet dhe projektet në të cilat ishin së bashku.

Ky është postimi i plotë i Halitit (pa ndërhyrje):

“Qenka e veshtirë ti them lamtumirë mikut tim të shtrenjtë Shkelzen Rraci, shokut e kolegut tim të dashur që nga studimet, e pastaj edhe projektet e shumta të përbashkëta.

Kemi kaluar kohën më të mirë së bashku, shumicën e kohës duke qeshur me batutat që i kishte të përkryera. Kemi udhëtuar bashkë gjithandej brenda  dhe jashtë vendit. Vërtetë e vështirë, kishim ende punë e plane për bërë. Ikja jote miku im do të le zbrazëti të madhe në shoqërinë tonë. Ke qenë shumë i afërt entuziast. Na mbetet të kujtojmë çdoherë miku im, energjin që kishe do ta kemi motiv e shembull për punë.

Shprehim ngushllime familjes Rraci kolegëve e shokëve. Lamtumirë miku im i shtrenjtë Xeni. Të pushoftë shpirti në paqe”.

Shkëlzen Rraci ndërkohë u bë më i njohur për publikun nga paraqitja e tij në serialin “Cimerat” (2006-2010).

Ai gjithashtu ka qenë edhe pjesë e shumë filmave të tjerë.

Shfaq komentet
comments powered by Disqus
Sot mund të lexoni Shfletoni kopertinat