Ylli i klanit Kardashian, Khloe është infektuar me koronavirus.
Në një video në rrjetet sociale, një prej motrave më të famshme në botë shfaqet me zë të ngjirur dhe tregoi se është prekur nga COVID-19.
“Sapo zbulova që jam me koronavirus,”– tha Khloe Kardashian. “Jam izoluar në dhomën time. Gjithçka do shkojë mirë, por isha vërtet keq për disa ditë.”
Ajo tregoi simptomat e saj duke thënë se ka “të vjella, kollitje, ethe, temperaturë të lartë dhe të ulët, si edhe dhimbje kokë, që është ndryshe nga dhimbja që i shkakton migrena e saj e zakonshme.”
Gjithashtu, Khloe, e cila është nënë e një vajze, inkurajoi veten dhe të gjithë njerëzit duke u shprehur: “Ne të gjithë do e kalojmë këtë, nëse njerëzit zbatojnë këshillat.”
“Zoti na bekoftë të gjithëve,”– përfundoi ajo.