Aida solli baladën e re.
Aida Doçi ka disa ditë që e ka paralajmëruar një këngë të re, por të cilën ishte detyruar ta shtynte për shkak të disa problemeve teknike.
Por, artistja më në fund e publikoi baladën me titull “Rrena e dashnia”, të cilën e shoqëroi edhe me videoklip.
Për tekstin dhe muzikën e kësaj kënge u kujdes Fatmir Muja, orkestrimin e bëri Agon Neziri, ndërsa videon e punoi Bug Production.
Në videoklip, këngëtarja u shfaq e veshur në të bardha dhe dukej shumë elegante.
Kujtojmë se Aida Doçi javë më parë u komentua shumë për lajmin e befasishëm për martesën e saj me Naser Qelin.