Ken Spears, njëri nga ideatorët e filmit të famshëm për fëmijë ‘Scooby-Doo”, ka vdekur në moshën 82 vjeçare.
Djali i tij, Kevin, ka konfirmuar lajmin për Variety dhe The Hollywood Reporter që Spears ka vdekur të premten nga ndërlikimet që lidhen me demencën e trupit Lewy.
“Ken gjithmonë do të kujtohet për punën e tij, dashurinë dhe besnikërinë ndaj familjes”, ka thënë Kevin Spears. “Ken nuk ka bërë gjëra të bukura vetëm për familjen, por ai ka prekur të gjitha si krijues i Scooby Doo. Ishte një model për gjithë jetën dhe ai do të vazhdojë të jetojë në zemrat tona”.
Sipas Variety, Spears ka lënë pas dy djem, Kevin dhe Chris.
I njëjti krijoi filmin ‘Scooby Doo, Where Are You’ në vitin 1969 së bashku me Joe Ruby.
Dyshja e famshme po ashtu kanë krijuar edhe “Dynomutt” dhe “Jabberjaw” për CBS dhe Hanna-Barbera.
Ruby ndërkohë vdiq në gusht në moshën 87 vjeçare.
