Sara Hoxha dhe Ledion Liço janë prindër të dy djemve, London dhe Roman. Për të dy fëmijët e tyre zgjodhën emra qytetesh dhe nuk është çudi që të gjithë duan të dinë a do ta vazhdojnë si traditë nëse bëhen sërish prindër dhe çfarë emrash do të zgjidhnin.
Në një bashkëbisedim me ndjekësit në Instagram, Sara iu përgjigj edhe pyetjes së famshme se çfarë emri do të zgjidhte për vajzën.
“Nëse do të kishe gocë si do ta quaje? Emër qyteti, për shembull Tirana?” –ishte pyetja që i drejtoi një ndjekëse.
Ndërsa Sara u përgjigj:
“Për goca kam akoma India ose Sienna”.
Nuk e dimë nëse Sara dhe Ledioni kanë në plan ta zgjerojnë familjen, por dimë të themi që kjo traditë emrash na pëlqen pafund.