Lajmi për emërimin e djalit të Haxhi Shalës konsull në Pragë, ka nxitur reagime të shumta në publik.
Një tjetër fytyrë publike që reagoi lidhur me këtë rast është edhe këngëtari Genc Prelvukaj, i cili thotë se edhe gjatë punës së mëhershme në institucione ka parë emërime të paligjshme.
Po ashtu, këngvtari thotë se nuk e kupton lakminë e individëve të fuqishëm brenda partive, të cilët mendojnë edhe në diplomaci ta fusin farefisin e tyre.
Postimi i tij:
“Unë nuk e njof dijën e konsullit të ri të emëruar, që u shndërrua në temë dhe kësisoji nuk e mund ta gjykoj si personalitet, por nuk më pëlqen mënyra e emërimit të tij.
Sidoqoftë për një gjë jam i sigurtë. Gjatë punës time të mëhershme në institucione, ( kam dhënë dorëheqjën para 6 viteve) kam parë të akredituar me punë diplomatike dhe punonjës të nivelit të tmerrshëm.
Shumë prej tyre, ose kishin probleme elementare kulturore deri në turpërim ose ishin të pamerituar për poziën e tyre. Mos te flasim që të gjithë pa përjashtim ishin militantë politikë.
Megjithatë, faji nuk është tek ta. E kuptoj lakminë e tyre, por nuk mund ti kuptoj individët e fuqishëm brenda partive ne vend, që menduan se edhe diplomacinë mund ta bëjnë me farefisninë e tyre ose me militantë që kanë kryer ndonjë shërbim të dënueshëm për ta paraprakisht.
Dhe të njejtët, nesër dalin me kostum dhe kravatë duke kërkuar votë per zhvillimin e vendit dhe luftën ndaj korrupsionit apo nepotizmit.
A na fyhet inteligjenca neve ndonjëherë ?”.
Kujtojmë se projekti i fundit muzikor nga Genc Prelvukaj është “Mungon”, këngë kjo që është pjesë e albumit të tij të ri.