Bëmë mama të të ngjaj. Shprehja duket se merr kuptim për Leni Klum vajzën e ish-modeles Heidi Klum që debuton në botën e modës në kopertinën e Vogue Germany dhe përgatitet të hedhë hapat në gjurmët e nënës së saj.
E lindur 16 vjet më parë nga marrëdhënia e yllit të pasarelave me Flavio Briatore, ajo ndihet e sigurt në potencialin e saj. “Për mua modelimi është çështje gjenesh”, tha ajo për revistën.
Nënë e bijë pozuan së bashku, të veshura me rroba të stilit mashkullor. Për Klumin e vogël, modelingu ka qenë gjithmonë një ëndërr, por asaj iu desh të bindte nënën e saj që ishte skeptike.
Tashmë duket se Heidi është krenare për vajzën e saj gjë qe ka shprehur me postimin e kopertinës në rrjetet sociale.
