Pak para se të bëheshin pjesë e natës së dhjetë të “Love Story”, disa prej vajzave kanë shprehur pëlqimet apo edhe mospëlqimet e tyre për këto javë që po kalojnë në “luftë” për të fituar princin e këtij spektakli.
Të ftuara në “Daily Love Story”, Generda, Xhesi, Enxhëll etj. janë ngacmuar për eliminimet dhe shoqërinë që kanë me njëra-tjetrën. Generda, një prej vajzave e cila vjen nga java e kaluar pas një takimi romantik me Saimirin, tha se e shikon veten konkurrente të fortë, por para se të vinte në “Love Story”, ajo kishte nisur ta shikonte si publik spektaklin, madje edhe të bënte tifo për njërën prej vajzave.
E pyetur se cilën do të zgjidhte prej tyre më pranë Saimirit, Generda tha se Enxhëllin e shikonte më afër princit të “Love Story”, sepse i dukej vajza më e sinqertë aty brenda: “… por tani që erdha unë, jam unë” – shtoi ajo me të qeshur duke treguar se tani, më shumë se këdo tjetër, sheh veten më afër Saimirit.
Tani që Enxhëll u veteliminua nga “Love Story”, me sa duket, për Generdën nuk ka vajzë tjetër që konkurron fort me të.