Aktorja nga Gjilani, Adriana Matoshi, vazhdon të jetë shumë aktive dhe e ndjekur në rrjetet sociale.
Ndonëse ndan postime të ndryshme me fansat, ajo ditën e sotme (e martë) ka bërë një dedikim për vajzën e vogël të saj, Pinea, e cila feston ditëlindjen.
Artistja shqiptare ka hedhur një fotografi ku shfaqet përkrah saj, në të cilën po ashtu zgjodhi fjalët më prekëse për të bijën.
“Kur vjen në pyetje Pinea më ndalet fryma e më vjen një superfuqi. Gjithë jetën qofsha me të shty përpara çika jem e ëmbël. Gurit e drurit ka me i ra për me ta plotësuar secilën dëshirë që ti e ke”.
“Të paça të shëndetshme e shumë të hareshme ty e vëllëzërit e motrën tënde bashkë me fëmijët e botës. Urime ditëlindjen zemra ime e diellit”, ka shkruar ajo në InstaStory.
Adriana ndërkaq është nënë e katër fëmijëve, të cilët i ndan me ish-bashkëshortin e saj, Albert Sylejmanin.
E njëjta muaj më parë ka zyrtarizuar lidhjen me futbollistin afrikan, Keith Groeneveld.
