Rikthehet në rrjetet sociale përfundimi alternativ i filmit “Titanic”

Mediale Vip

Rikthehet në rrjetet sociale përfundimi alternativ i filmit “Titanic”

Më: 18 shkurt 2021 Në ora: 12:49
Filmi “Titanic”

Në rrjetet sociale këto ditë është duke qarkulluar një video që shfaq një përfundim ndryshe të filmit të shumëpopullarizuar, “Titanic”.

Në bazë të reagimit të përdoruesve të Twitterit, shumëkush nuk e ka dikur për ekzistimin e këtij versioni, edhe pse është publikuar para disa vitesh.

Megjithëse është publikuar disa herë në platforma të ndryshme në internet, përfundimi alternativ është bërë sërish ‘viral’, ndërsa disa prej shikuesve mendojnë se filmbërësi James Cameron ka bërë mirë që ka vendosur për përfundimin origjinal të filmit.

Në përfundimin origjinal, shfaqet gruaja e moshuar që del në kuvertë dhe e hedh gjerdanin në det. Në atë version, ajo është vetëm, ndërsa në versionin alternativ, është e rrethuar nga ekipi që ka kaluar disa vite duke e kërkuar qaforen.

Ndryshe, përfundimi alternativ i “Titanic” për herë të parë ishte shfaqur në vitin 2005 në versionin DVD të filmit.

commentFirst article
Sot mund të lexoni Shfletoni kopertinat