Kim Kardashian është duke reflektuar mbi jetën e saj për mënyrën se si paraqitet në publik pasi ka parë dokumentarin e Britney Spears “The Framing Britney Spears”.
Kim, përmes një deklarate lëshuar në llogarinë e saj në Instagram ka thënë se “mizoria” që Britney Spears ka përjetuar gjatë karrierës së saj, e ka bërë atë të ndjejë keqardhje ndaj pop ikonës, shkruan People.
Kim Kardashian 40 vjeçare ka thënë përmes këtij postimi se kjo e ka bërë atë të shikojë jetën e saj nga këndi i të tjerëve.
“Më në fund e shikova dokumentarin e Britney Spears këtë javë dhe ai më bëri të prekem shumë për atë që pashë. Mënyra se si mediat kanë luajtur një rol të madh në jetën e saj, mund të jetë shumë traumatizuese dhe mund të thyejë madje edhe personin më të fortë”, ka shkruar Kim.
Kujtojmë se kjo e fundit ka aplikuar muajin e kaluar për divorc nga bashkëshorti i saj Kanye West, pas shtatë vitesh martesë. Çifti kanë katër fëmijë së bashku.
