Këngëtarja dhe modelja shqiptare, Afërdita Dreshaj, prej disa vitesh është e martuar me partnerin e saj, hokeistin çek Jakub Kindl.
Çifti, të cilët u martuan në vitin 2019, tashmë janë bërë prindër edhe të një djali të quajtur, Skye Blue.
Ajo së fundmi u ka dhënë mundësi fansave të pyesin më shumë rreth jetës e karrierës përmes opsionit ‘pyetje-përgjigje’.
“Si jeni takuar me bashkëshortin tuaj? Cili është sekreti i një martese të lumtur?”, ka qenë pyetja e një ndjekësi.
“Ne jemi takuar në një lokal sushi. Ne nuk jemi vetëm të martuar dhe të dashuruar, ne jemi miq të ngushtë. Gjithmonë bëjmë gjëra së bashku dhe e përkrahim njëri-tjetrin në gjithçka”, ka shkruar ajo.
Të njëjtit shfaqen tejet të lumtur dhe thuajse në çdo paraqitje publike janë së bashku.
Para romancës me Kindl, Dreshaj ka qenë e fejuar me këngëtarin Shpat Kasapi.
