Këngëtarja 29-vjeçare, Leigh-Anne Pinnock është shtatzënë. Ylli i “Little Mix” zbuloi se ishte në pritje të fëmijës së saj të parë me të fejuarin Andre Gray përmes një postimi në rrjete sociale, ku shkruante se ëndrra e saj më në fund po bëhej realitet.
Ne kemi ëndërruar për këtë moment për kaq shumë kohë dhe nuk mund ta besojmë se ëndrra më në fund po bëhet e vërtetë…mezi po presim ta takojmë“, shkroi këngëtarja e famshme.
Krahas shkrimit ajo publikoi foto me një fustan të gjelbër. Lajmi i lumtur vjen gati një vit pasi futbollisti Andre, i propozoi këngëtares në kopshtin e tyre qershorin e kaluar.
Anëtarët e tjera të bandës, Jade Thirlwall dhe Perrie Edwards uruan këngëtaren për fëmijën që pritet të vijë në jetë.
Anëtarja e grupit, Jade Thirlwall ishte një nga të parat që komentoi në këtë postim:
“Të dua shumë. Shikoje këtë familje”.
Po ashtu, Perrie Edwards shtoi gjithashtu:
“Unë nuk mund të ndalem duke i shikuar këto fotografi. Ju jeni një vizion. Ily aq shumë! Urime motra ime e bukur!”
Ky lajm ishte i papritur për fansat e yllit pasi ajo u pa javën e fundit në Londër, e veshur me një veshje të gjelbër duke mbuluar barkun në mënyrë të përsosur.
