Getoar Selimi së fundi ka njoftuar fansat se po vjen me një projekt të ri muzikor.
Me anë të postimit të fundit, reperi bëri të ditur se artisti me të cilin ka bashkëpunuar në këtë këngë është Stine.
“Andiamo”, titullohet kënga e re e të dy artistëve, data e publikimit të së cilës ende nuk është bërë e ditur.
“Po vjen shumë shumë shpejt. Geasy feat Stine-Andiamo”, shkruan Getoari.
Kujtojmë se projekti i fundit muzikor nga Getoar Selimi është “Para para”, këngë të cilën e solli në bashkëpunim me Ermal Fejzullahun dhe Majk.
Bashkëpunimi i të tre artistëve deri tani numëron mbi gjashtë milionë klikime në YouTube.
