Ina Kollçaku është bërë e njohur për publikun e gjerë nëpërmjet emisionit të dashurisë ‘Për’puthen’.
Përveç kësaj, ajo është aktive në fushën e biznesit.
Së fundmi Ina ka hapur një lokal në jug bashkë me aktorin Olsi Bylyku dhe zbulon në “Ora Verore” se po përgatitet për një biznes tjetër ri në shtator.
Ronaldo Sharka: Ti ke eksperimentuar në disa fusha biznesi, ke krijuar një media online. Mos ndoshta i re dhe ti lapsit dhe kuptove se lekët në Shqipëri bëhen, duke hapur lokale?
Ina Kollçaku: Jo, nuk është farë e vërtetë. Në fakt unë kam eksperimentuar, por të gjitha bizneset që kam filluar, vazhdoj t’i kem akoma. Ky është i gjashti. Vjen i shtati dhe i teti në shtator.
Ronaldo Sharka: SPAK-u kur do të vijë?
Ina Kollçaku: Mirë se të vijë! Siç e patë dhe ju, të gjitha u prenë me kupon tatimor. Muzika u ul në orarin e duhur. Bëjmë shumë kujdes, për të mos dhenë shembullin e keq.
Ina thotë se një biznes nuk mund të sukses nëse vetë pronari nuk e prek punën nga afër, ajo thekson se do vazhdojë ta ndjekë këtë metodë gjithmonë, deri ditën e saj të fundit në punë.
Ronaldo Sharka: Nuk ndodh shpesh që të shohim pronarë biznesesh që të shërbejnë . ndodh shumë rrallë. Aq më tepër kur pronari është personazh publik. Pse shërben me tabaka?
Ina Kollçaku: Një vajzë më tha, si qënke katandisur o Ina?! Unë ndihem shumë mirë, shumë komode, unë i bëj yzmetin punës time dhe lekëve të mia. Do vazhdoj ta bëj. Asnjë biznes nuk funksionon, nëse ti vetë nuk del në ballë të parë që të punosh. Këtë gjë e kam bërë gjithmonë dhe do vazhdoj ta bëj, deri ditën e fundit të punës, deri sa të dal në pension. Ka qenë profesioni i ëndrrave të mia, sepse nuk e kisha provuar të isha kamariere. Madje po e shijoj shumë, kështu që jam duke e bërë praktikën te ‘Papaya’. Nuk kam mësuar ende ta mbaj tabakanë mirë, por kusurin e kthej mirë dhe marr bakshishe.
