Pamjet e arrestimit të bashkëshortit të Angela Martinit në Mykonos

Mediale Vip

Pamjet e arrestimit të bashkëshortit të Angela Martinit në Mykonos

Më: 18 shtator 2021 Në ora: 16:54
Angela Martini dhe i dashuri i saj

Pamjet gjatë arrestimit të sipërmarrësit dhe producentit të filmit, Dragos Savulescu, bashkëshortit të  modeles shqiptare, Angela Martini në ishullin e Mykonos janë publikuar në mediat e huaja.

E xhiruar derisa çifti ishin brenda një makine policie me shpejtësi të madhe, ish-Miss Universe, Angela Martini, dëgjohet në video duke bërtitur “pse dreqin po ecim kështu?!” teksa vërehen automjete policie, drita dhe sirena që bien nëpër rrugë.

Ende të tronditur nga sprova e tyre, çifti i famshëm njoftoi sot se ata planifikojnë të padisin autoritetet në Rumani për arrestimin.

Policia greke po i përgjigjej një urdhri rumun ekstradimi të lëshuar nga Gjykata e Apelit në Bukuresht.

Duke folur nga shtëpia e tyre në Milano, 47-vjeçari tha: “Ne kurrë nuk duhet ta kishim kaluar këtë. Ajo që bënë autoritetet rumune ishte tmerruese dhe krejtësisht e paligjshme. Rumania nuk kishte të drejtë të urdhëronte arrestimin tim sepse ata e dinin që nga qershori se ekzekutimi i çështjes sime tashmë kishte filluar në Itali dhe, sipas ligjit, kjo heq fuqinë e Rumanisë për të më arrestuar. Ata gënjyen policinë në Greqi për këtë, duke pretenduar se unë ende nuk kisha filluar ekzekutimin e dënimit tim. Fajin për këtë e kanë plotësisht autoritetet në Rumani”.

“Ne jemi keqtrajtuar nga Rumania për gati 16 vjet për një krim që nuk e kam kryer. Përveç faktit që kam humbur para dhe kohë për shkak të gjithë situatës, ajo ka ndikuar në shëndetin tonë, imazhin tonë, biznesin tonë dhe jetën tonë. Ne do të kërkojmë dëme serioze. Për më tepër, është çështje parimi sepse nuk mund të lejojmë që një shtet abuziv të na shkatërrojë kështu. Ne gjithashtu duhet të inkurajojmë të tjerët të bëjnë të njëjtën gjë sepse ne nuk jemi viktimat e vetme të këtij shteti, ka shumë, shumë të tjerë”, shtoi ai.

Pasa arrestimit, miliarderi rumun kaloi dy ditë nën qeli para se të lirohej, në pritje të një seance gjyqësore që u zhvillua të mërkurën e kaluar.

Edhe pse mbante dokumente nga Italia që tregonin se ishte në gjendje të udhëtonte lirshëm, veprimi i autoriteteve rumune thoshte se ai ishte i detyruar të qëndronte në ishull deri javën e kaluar.

Ai pretendon se Rumania i bëri presion policisë greke për të bërë arrestimin, edhe pse urdhri rumun i ekstradimit ishte i shfuqizuar pasi tashmë ishte hedhur poshtë në Itali në vitin 2019.

Interpol kishte aplikuar gjithashtu masa të përkohshme në dosjen e Savulescu, duke hequr efektivisht aksesin në të.

Si banor i Italisë që nga viti 2017, Dragos aplikoi me sukses që çështja e tij të njihej ligjërisht në Itali dhe në shtator të vitit të kaluar Gjykata e Apelit në Napoli më vonë dha një amnisti ndaj dënimit sipas ligjit italian.

commentFirst article
Sot mund të lexoni Shfletoni kopertinat