Andrea Martin, kantautorja që shkroi këngë për artistë si Monica dhe En Vogue, ka ndërruar jetë, në moshë 49-vjeçare.
Vdekja e Martinit u njoftua në një deklaratë të postuar në InstaStory-n e Instagram-it të saj, të hënën, shkruan People.
“Të dashur familje dhe miq, me një zemër të lënduar ju njoftojmë për vdekjen e bukuroshes sonë Andrea Martin, e njohur edhe si” Annie “, thuhej në deklaratë.
“Andrea do të mbahet mend gjithmonë për pasionin dhe përkushtimin e saj ndaj familjes dhe miqve. Ndikimi i saj do të vazhdojë të ndihet dhe të dëgjohet për një jetë të tërë. Ne ju falënderojmë paraprakisht për ngushëllimet, dashurinë, dhembshurinë dhe mirëkuptimin tuaj gjatë kësaj kohe”, thuhej tutje në shkrim.
“Përgjithmonë një legjendë. 14 Prill – 27 Shtator,” përfundoi postimi.
Përveç shkrimit të teksteve për artistë të njohur, Martin ishte e talentuar edhe për muzikë. Ajo lansoi albumin e saj debutues “The Best of Me”, në vitin 1998.
