North West mund të ketë emrin e babait të saj (dakord, edhe disa tipare), por padyshim që është një Kardashian.
Këtë tregon edhe videoja e fundit e Kim Kardashian-it, nga festat e kaluara të Falënderimeve, konkretisht viti 1985.
Zëri i babait të saj të ndjerë mund të dëgjohet në video, ndërsa e përgëzon Kim-in gjatë filmimit.
“Kimberly, bëre një punë aq të mirë! E mbajte bukur flamurin atje lart, apo jo?” – i thotë ai. Ky ishte një homazh që Kim i bëri babait të saj Robert Kardashian, i cili ndërroi jetë 14 vite më parë.
“Jam mirënjohëse që të kisha ty.” – shkruan ajo.
Ajo çfarë bie më shumë në sy ama, është ngjashmëria e 4-vjeçares Kim me vajzën North West, e cila ka po të njëjtën moshë.
Nga ana tjetër, djali i Kim Kardashian dhe Kanye West, mbush 2 vjeç për 12 ditë.
Çifti është në pritje edhe të vajzës së tretë, dhe bëhet fjalë për një shtatzëni surrogate. Me siguri, ylli i televizionit amerikan është shumë mirënjohëse për familjen e saj, si dhe çdo gjë që ka në jetë.
