Tip rebel dhe e egër, rrallë herë tregon dashuri publikisht dhe është një grua e fortë e e zjarrtë.
Adelina Ismaili, është diva e muzikës shqiptare, ajo të cilën askush e asgjë s’e rrëzoi.
Dhe tani kur e shohim atë tek bëhet e ndjeshme dhe thotë fjalë të bukura dashurie publikisht, na duket pa dyshim interesant.
Pasi është martuar e është bërë nënë, ajo është tërhequr edhe nga muzika, por gjatë javës që lamë pas, e kemi parë në intervista e në një interpretim në Gjilan, ku iu rikthye skenës pas shumë kohësh.
Ndërsa siç bën rrallë herë në rrjete sociale, ajo e ka uruar bashkëshortin e saj Valin, për ditën e tij të lindjes me një dedikim special të mbushur me dashuri.
“Urime ditëlindjen dashnia jeme, shoku jem më i mirë, më i bukuri që kam pa, dielli i jetës sime,krahu im i fortë, Vali im”, ka shkruar Adelina.
Dyshja kanë kohë që janë bashkë e jetojnë në Zvicër, ndërsa para dhjetë muajsh, Adelina solli në jetë fëmijën e parë të çiftit, Uliksin.
