Vedat Bajrami është një ndër aktorët më të mirë të humorit shqiptar.
I njohur me rolin e “Likit” te seriali “E-gjeli”, aktorin do ta shohim edhe në një projekt të ri filmik.
Në fakt, si rrallëherë atë do të jemi dëshmitar ta shohim në rolin e një aktori që nuk do t’i bën të qesh fansat.
Bajrami ka publikuar disa imazhe në rrjetet sociale teksa shihet i veshur si ushtar i Ushtrisë Çlirimtare të Kosovës gjersa mban në duar një armë dhe është paksa i gjakosur.
“Shpata prej Druri” në regji të Emre Konukut është filmi ku do ta shohim 38-vjeçarin.
Kujtojmë se i veshur si ushtar e kemi parë edhe në disa skeçe të vogla të transmetuara në televizionet kosovare.
Ndryshe, Vedatin do ta shohim edhe në sezonin e ri të serialit “E-gjeli”, i cili do të transmetohet në RTV Dukagjini.
