Këngëtarja Tuna Sejdi ka shënuar rikthimin e saj në muzikë këtë vit me projektin e ri “Chonga”, që e solli në muajin gusht.
Pas suksesit me këtë këngë, ajo ka paralajmëruar se shumë shpejt do të sjellë për fansat edhe një projekt tjetër.
Ndërkohë, Tuna është mjaft aktive dhe e ndjekur edhe në rrjetet sociale, në të cilat shpesh ndan me fansat imazhe të ndryshme nga jeta e saj.
Ajo ka treguar se është shumë e dhënë pas palestrës dhe këtë e ka vërtetuar edhe me linjat e përkryera trupore.
Se vazhdon të jetë një nga femrat me fizikun më të mirë në estradë, këtë këngëtarja e ka dëshmuar edhe përmes një videoje të publikuar së fundmi në Instagram.
E veshur në një kostum plot shkëlqim, Tuna ka vënë në pah linjat e saj, ndërsa ka marrë shumë komplimente nga fansat për dukjen.
Ajo është nënë e një djali një vjeçar, të cilin ajo dhe bashkëshorti i saj, Patrisi, e kanë pagëzuar me emrin Tian.
