Prej afro një muaj e gjysmë ajo është bërë nënë dhe këtë periudhë, po e shijon në maksimum.
Këngëtarja Adelina Tahiri ndihet e lumtur nga ardhja në jetë e të voglit Jon dhe vazhdimisht publikon në rrjetet sociale momente me të.
Ditën e sotme ka publikuar një fotografi ku vogëlushi shihet përmbys, ndërkohë që mban veshur një palë tuta me arush nga mbas dhe një kapuçe me vesh.
Një pamje e adhurueshme, e cila ka marrë pëlqime të shumta.
Adelina u bë nënë për herë të parë më 27 gusht, ku solli në jetë të birin Jon.
Në fillim të këtij viti, Adelina lidhi kurorë me avokatin e pasur maqedonas Serjozha Markov, i cili është rreth 50 vjeç, ndërkohë që Adelina Tahiri nuk i ka mbushur as të 30-at.
