Këngëtarja e famshme Bleona Qereti ka publikuar pak ditë më parë projektin e saj më të ri muzikor “Monster”, i cili ka rezultuar tepër i suksesshëm.
Bleona është duke zhvilluar karrierën e saj në tregun ndërkombëtar.
Ndërsa nga ana tjetër, këngëtari i njohur i muzikës popullore shkodrane, Bujar Qamili zbuloi teksa ishte i ftuar në emisionin “Xing me Ermalin” se do vijë shumë shpejt në bashkëpunim me Bleona Qeretin.
Kur u pyet si ia mbushi mendjen Bleonës për duet, Bujari iu përgjigj me humor duke thënë: “M’u dha dhe fill me të parin. E kam shumë shoqe, e dua fort”.
Lidhur me këtë ka reaguar edhe vetë këngëtarja. Ajo ka publikuar në “Instastory” një foto ku shfaqet së bashku me Bujarin dhe në të shkruan: “O superyll ku të duash, kur të duash, çfarë të duash”.
Ndërkohë mbetet për tu parë nëse do vijë vërtetë një projekt nga dy artistët e njohur.