Këngëtarja Tuna Sejdiu është e ftuara e radhës në emisionin “Xing me Ermalin”.
Pasi foli për jetën e saj si nënë, ajo foli edhe rreth karrierës së saj muzikore.
Këngëtarja shpjegoi një herë e mirë se nuk është maqedonase, por shqiptare e Maqedonisë, pasi shumë njerëz e ngatërrojnë këtë gjë sipas Tunës.
“Vijë nga Maqedonia, jam shpërngulur në Kosovë ku jetoj dhe veproj, ndërsa projektet e mia muzikore dhe karrierën e veproj në Shqipëri. E dua vendlindjen time më shumë se gjithçka në botë”, u shpreh Tuna duke shpërthyer më pas në lot.
Ajo gjithashtu ka shpjeguar se që pasi është bërë nënë është më emotive, ku dhe për gjëra fare të vogla fillon e qan.