Dua Lipa performon në koncertin që mbahet më 11 nëntor për përvjetorin e muzeut të Abu Dhabit.
Lajmi është konfirmuar nga mediet arabe, ku njoftohet se këngëtarja e hitit “One Kiss” do të performojë në Abu Dhabi në ceremninë që përcjellet edhe me disa aktivitete të tjera.
Më 9 dhe 10 nëntor do të interpretohen edhe disa vepra të artit në muze nga Jayzus Zain dhe Qutouf Yahia nga Sudani; Safwa Mohammed dhe Jorge Monterrosa nga SHBA; Chamma Al-Bastaki nga Emiratet e Bashkuara Arabe; Aathma Dious nga India dhe Danabelle Gutierrez nga Filipinet.
Drejtori i muzeut të Abu Dhabit në një deklaratë të lëshuar për shtyp ka thënë se festimi i përvjetorit të këtij muzeu është momenti i përkryer për të falënderuar të gjithë vizitorët përmes poezisë, muzikës, e të tjera.
Biletat për koncertin e Dua Lipës kushtojnë 54 dollarë dhe dyert për këtë koncert hapen që nga ora 6 pasdite, kurse nga ora 2 deri në hapje të koncertit hyrja është falas.
