Pavarësisht nga sukseset e dy filmave që ka interpretuar, Tom Cruise nuk do të jetë në në serinë televizive të dedikuar “Jack Reacher”, ish-zyrtar i policisë ushtarake të krijuar nga Lee Child.
Motivi? E ka shpjeguar vetë Child: duan një aktor shumë më të gjatë, më të ngjashëm me personazhin e romanit. Një “shuplakë” e vërtetë për Cruise, i cili shpesh ka pësuar ironi për 170 centimetrat e tij të gjatësisë.
Në librin për fëmijë të Child, Reacher është përshkruar si 1.98 metra i gjatë dhe me duart në madhësinë e një pjate. Por aktori është vetëm 1.73 metra i gjatë. “Cruise, kishte gjithë talentin, por nuk kishte atë fizik”, – tha Child. Autori tha se një marrëveshje u nënshkrua javën e kaluar për të bërë një shfaqje të re.
Fansat shfaqën pakënaqësi për përshatshmërinë e aktorit për të luajtur rolin e ish-majorit në policinë ushtarake amerikane që kur lajmi u njoftua në vitin 2011. “U kënaqa shumë ndërsa punova me Cruise. Ai është me të vërtetë një djalë i këndshëm,”-tha Child.
“Por në fund të fundit lexuesit kanë të drejtë. Madhësia e Reacher është me të vërtetë e rëndësishme dhe është një komponent i madh që tregon se kush është ai”.
