Megjithëse Ministria e Administrimit të Pushtetit Lokal (MAPL), e cilësoi si jo ligjore, Agim Bahtiri nuk po i ndahet idesë së tij për bashkimin e qytetit të Mitrovicës.
Kësisoj, ai ka thirrur mbledhje të jashtëzakonshme të Kuvendit Komunal të Mitrovicës së Jugut ku në rend të ditës do të jetë edhe shqyrtimi i konkluzionit të datës 30 nëntor për ndryshimin e ligjit për kufijtë administrativ, lidhur me bashkimin e qytetit.