Kryetari i Mitrovicës, Agim Bahtiri ka treguar se të hënën nis nënshkrimi i peticionit për bashkimin e Mitrovicës.
Ai përmes një postimi në Facebook ka treguar se çfarë është diskutuar në tryezën e përbashkët me qytetarë, ku ka procedurat e peticionit për bashkimin e qytetit të Mitrovicës.
Postimi i plotë:
- Të hënën nis nënshkrimi i peticionit për bashkimin e Mitrovicës
Sot mbajtëm tryezën e përbashkët me qytetarë, me ç’rast janë iniciuar procedurat e peticionit për bashkimin e qytetit të Mitrovicës. Me këtë rast debatuam së bashku për një iniciativë të cilën e kemi miratuar edhe në Kuvendin Komunal, konkluzionin me qëllim bashkimin e Mitrovicës.
Ishte dakordim i përbashkët i bashkëpunëtorëve dhe qytetarëve, që nga e hëna të fillon nënshkrimi i peticionit që do t'i drejtohet Kuvendit të Kosovës për bashkimin e qytetit të Mitrovicës.
Faleminderit të gjithë qytetarëve për përkrahjen e dhënë. Të bashkuar do t'ia dalim ta bashkojmë qytetin!
