SBASHK gjatë ditës së sotme njoftoi se nesër nuk do të mbahet mësim zëvendësues për orët e humbura nga greva. Mirëpo, këtë vendim e kanë kundërshtuar drejtoria e gjimnazit “Frang Bardhi” në Mitrovicë.
Drejtoria e gjimnazit “Frang Bardhi” në Mitrovicë u ka bërë thirrje nxënësve që ta vijojnë mësimin gjatë ditës së shtunë.
Sipas njoftimit të kësaj shkolle, ky njoftim është i bazuar në vendimin e MASHT-it për zëvendësimin e orëve gjatë ditëve të shtuna.
Njoftimi i plotë:
Me vendimin e MASHT për zëvendësimin e orëve gjatë ditëve të shtuna,ne si Institucion edukativo-arsimor në bazë të vendimit të MASHT i bëjmë thirrje nxënësve tanë që:
Nesër e Shtunë, me datë 09.03.2019 të vinë me orar të rregullt të ditës së Hënë.
Me respekt Drejtoria e Shkollës.
Kujtojmë se punëtorët e arsimit kanë mbajtur grevë tre javëshe, kjo me kërkesë të rritjes së koeficientit deri në 3%.
