Rektori i Universitetit të Prishtinës me seli në Mitrovicë Rade Grbiç ka parashtruar dorëheqje nga posti për shkaqe familjare, shkruan “Danas” transmeton “Bota Sot”.
Në dorëheqje Grbiç shkruan se paraqet dorëheqje „ për shkak të arsyeve familjare” ndërkohë që njofton se dorëheqje paraqesin edhe anëtarët e “ekipit të tij”.
„Duke respektuar vendimin tim , së bashku me mua dorëheqje paraqesin edhe anëtarët e ekipit tim, por do të vazhdojmë të kontribuojmë si profesor në Universitetin tonë dhe të arsimojmë elitën intelektuale në Serbinë tonë. Universiteti në krye me udhëheqjen e re do të vazhdoj të punoj sipas planit arsimor në harmoni me vendimin e ministrisë së Arsimit të Republikës së Serbisë”, shkruan në dorëheqjen e Grbiç.