Riakreditohen 8 programe në Universitetin e Mitrovicës

Mitrovica

Riakreditohen 8 programe në Universitetin e Mitrovicës

Më: 16 korrik 2019 Në ora: 18:22
ilustrim

Faqja e Universitetit të Mitrovicës ka njoftuar se janë riakredituar edhe tetë programe të tjera për studim, por nuk ka cektur se cilat.

UMIB ka njoftuar se KSHC-ja ka riakredituar 8 programe që funksionojnë në kuadër të fakulteteve të Universitetit të Mitrovicës.

Në njoftim thuhet se UMIB është në pritje të vendimit zyrtar nga KSHC-ja sa i përket këtyre riakreditimeve.

Më poshtë lexoni njoftimin e plotë:

Këshilli Shtetëror i Cilësisë (KSHC), ka riakredituar 8 programe që funksionojnë në kuadër të fakulteteve të Universitetit të Mitrovicës “Isa Boletini” (UMIB). Këto programe, në nivelin bachelor dhe master, janë riakredituar për një periudhë 3-vjeçare. Tashmë në UMIB janë të akredituara gjithsej 18 programe në të dy nivelet.

Në ndërkohë UMIB-i është në pritje të vendimit zyrtar nga KSHC-ja sa i përket riakreditimit institucional, në mënyrë që të shfrytëzoj të drejtën e ankesës. Drejtuesit e UMIB-it janë të bindur se argumentet që kanë janë bindëse për të marrë një përgjigje pozitive sa i përket akreditimit institucional.

Vendimi i KSHC-së për mosakreditim institucional që pamundëson regjistrimin e studentëve të rinj në vitin akademik 2019/20, vlerësohet skandaloz, i pabazuar në gjendjen faktike dhe shumë i dëmshëm për Universitetin dhe të rinjtë  e rajonit. Si rrjedhojë kërkohet ndërhyrja e drejtuesve të institucioneve të Republikës së Kosovës, për të ndaluar veprime të tilla të papërgjegjshme të KSHC-së.

Për çdo risi sa i përket zhvillimeve që kanë të bëjnë me riakreditimin institucional, opinioni do të njoftohet me kohë. Ndërsa studentëve që janë pjesë e UMIB-it u bëhet me dije se UMIB-i nuk do të mbyllet dhe ata do të vazhdojnë studimet e tyre normalisht.

commentFirst article
Më të lexuarat
Sot mund të lexoni Shfletoni kopertinat