Në Komunën e Mitrovicës është vënë gurthemeli i shkollës fillore “Harun Beka”, në fshatin Gushavc
Këtë e bëri të ditur kryetari i Komunës Agim Bahtiri përmes një postimi në Facebook, duke thënë se me ndërtimin e kësaj shkolle do të krijohet ambient më i përshtatshëm dhe do të plotësohen nevojat për mësimdhënie dhe mësimxënie.
Postimi i plotë:
•Vihet gurthemeli i shkollës fillore në Gushavc të Mitrovicës•
Ishte ndjenjë e veçantë që në fshatin tim të lindjes në Gushavc të vëjë gurthemelin për ndërtimin e objektit të ri të shkollës fillore “Harun Beka”, projekt ky i cili kap shumën 1 milionë e 300 mijë euro.
Me ndërtimin e kësaj shkolle do të krijohet ambient më i përshtatshëm dhe do të plotësohen nevojat për mësimdhënie dhe mësimxënie.
Urime fillimi i ndërtimit të shkollës së re për nxënësit, mësimdhënësit dhe prindërit. Komuna e Mitrovicës nën udhëheqjen time gjithmonë prioritet do ta ketë ngritjen e cilësisë së arsimit në qytetin e Mitrovicës.
AB