Kishin plotë 16 ditë pa energji elektrike.
Janë këta banorët e fshatit Vidimriq, të cilët u përballen me këtë problem pas prishjes së trafostacionit që furnizonte fshatin.
E banorët, kishin shtjerë të gjitha mundësitë për të kërkuar ndihmë.
Por, askush nuk u interesua për ta.
Madje për këtë problem T7 ka raportuar edhe më herët.
Televizioni kishte kontaktuar edhe zyrtare të KEDS-it për të kuptuar arsyeje se pse nuk po intervenohet aty.
Zyrtarë të KEDS-it thanë se, ndërhyrja e tyre në atë pjesë është e pa mundur.
Kjo pasi fshati Vidimriq në Mitrovicë, sipas tyre konsiderohet si pjesë veriore.
Mirëpo, qëndrimi pa energji elektrike në këtë fshat filloj të bëhet i pa durueshëm.
Andaj, kryetari i fshatit Hashim Behrami, u detyrua të kërkoj ndihmë edhe një herë nga Komuna e Mitrovicës.
Për këtë problem u njoftua edhe kryetari i Komunës së Mitrovicës Jugore, Agim Bahtiri.
E kjo situatë u bë shkak që Bahtiri të nis një komunikim me kryetarin e Mitrovicës Veriore, Goran Rakiq.
Por, për ta kryer punën, zyrtarët e veriut kërkuan siguri për punëtorët e ElektroKosmet, ndërmarrje kjo që funksionon në pjesën veriore.
E një gjë të tillë e konfirmuan edhe zyrtarë nga ‘’ElektroKosmet’’
Ndërkohë, banorët e Vidimriqit vazhdojnë të mos e kryejnë obligimin e pagesës për shfrytëzim të energjisë elektrike.
Ata e konsiderojnë vetën si pjesë jugore, ndërsa fshati vazhdon të furnizohet nga ana veriore.
