Hajrullah Mustafa profesor, sociolog , magjistër i shkencave juridike dhe ligjërues në disa kolegje, ka ndërruar sot jetë pas një sëmundje të shkurtër por të rrezikshme, kanë njoftuar familjarë të profesorit Hajra.
Hajrullah Mustafa ka punuar si profesor në Gjimnazin e Mitrovicës, për shumë vite, ndërkohë që më pas ka punuar për disa vite si drejtor i Bibliotekës Rajonale “Latif Berisha” në Mitrovicë.
Krahas punës institucionale profesori Hajrullah Mustafa për shumë vjet ka qenë pjesë e shoqërisë civile dhe disa shoqatave joqeveritare përfshirë këtu edhe pjesë e Asociacionit të Shoqatave Joqeveritare të Mitrovicës.
Profesor Hajrullah Mustafa ka qenë edhe drejtor i Muzeut rajonal në Mitrovicë, ndërkohë që për shumë vite ka realizuar projekte hulumtimi dhe avancimi të gjendjes së artefakteve në muzeun e Mitrovicës.
Njihej edhe si njeri humanist, mik dhe punëtor i devotshëm në fushën e kulturës dhe aktiviteteve kulturore në qytetin buzë Ibrit.
